मुंबई महापालिकेच्या विविध वैधानिक व इतर समिती अध्यक्षपदाच्या निवडणुका सध्या सुरू आहेत. अद्याप स्थायी समिती, शिक्षण समिती व गुरुवारी सुधार व बेस्ट समितीच्या अध्यक्षपदाच्या निवडणुका पार पडल्या. भाजपा निवडणूक लढवणार नसल्याने संख्याबळानुसार चारही समित्यांच्या अध्यक्षपदी शिवसेनेच्याच नगरसेवकांची वर्णी लागली आहे. उर्वरित स्थापत्य समिती (शहर), स्थापत्य समिती (उपनगरे), सार्वजनिक आरोग्य समिती, बाजार व उद्यान समिती, विधी समिती तसेच महिला व बालकल्याण समिती अध्यक्षपदाच्या निवडणुकीसाठी येत्या २0 मार्च रोजी अर्ज भरण्याची अंतिम मुदत असून २३ व २४ मार्चला निवडणूक होणार आहे.
