या स्पर्धेची माहिती देताना कदम म्हणाले की, सुधारित घनकचरा व्यवस्थापन अधिनियम 2016 च्या पार्श्वभूमीवर महाराष्ट्र प्रदुषण नियंत्रण मंडळ, पर्यावरण विभाग, आणि दैनिक लोकसत्ता यांच्या संयुक्त विद्यमाने पर्यावरणविषयक संकल्प करण्यासाठी गृहनिर्माण संस्था आणि संकुले यांच्यासाठी या स्पर्धेचे आयोजन करण्यात आले आहे. ही स्पर्धा मुंबई, पुणे, पिंपरी, चिंचवड, नागपूर, औरंगाबाद आणि नाशिक या शहरातील गृहनिर्माण संस्था व संकुले यांच्यासाठी आयोजित करण्यात आली आहे.
कच-याचे वर्गीकरण व विघटनाची जबाबदारीघनकच-याचे जैविक पद्धतीने विघटन (ओला कचरा), विघटन न होणारा कचरा (सुका कचरा), घरगुती घातक घनकचरा (ई –वेस्ट इ.) अशा तीन प्रकारांत वर्गीकरण करून घनकचरा गोळा करणा-या व्यक्ती अथवा संस्था यांना जबाबदारी सोपविण्यात आली आहे. घरातील ओल्या कच-यातून सेंद्रिय खतनिर्मीती करणे आणि सुका कच-याची शास्त्रोक्त पद्धतीने विल्हेवाट लावणे याविषयी कृतीशील पाऊल उचलण्याचा प्रयत्न करणा-या गृहनिर्माण संकुलांनाच या स्पर्धेत सहभाग होता येईल. अधिक माहितीसाठी महाराष्ट्र प्रदुषण नियंत्रण मंडळाच्या mpcb.gov.in या संकेतस्थळावर भेट द्यावी. तसेच प्रवेशिका 30 मार्च 2017 पर्यंत mpcbnewyear@gmail.com या ईमेल वर पाठवाव्यात, असे आवाहन करण्यात आले आहे.
