ATM मध्ये २००० रुपयांच्या नकली नोटा सापडत आहेत. या नोटबंदी पूर्वी सरकारने कोणतीही पूर्वतयारी केलेली नव्हती. त्याचेच हे परिणाम आहेत. या निर्णयाविरोधात मुंबई काँग्रेसने अनेक ठिकाणी विरोध प्रदर्शन केले. लोकांमध्ये जनजागृती करण्यासाठी ‘‘नोट पे चर्चा’’ सारखे चर्चात्मक आंदोलन केले. या आंदोलनाचाच एक भाग म्हणून आज मुंबईतील ६२ लोकल स्थानकांवर नोटबंदीच्या निर्णयाविरोधात स्वाक्षरी अभियान राबवले जात आहे. आमचे सर्व सामान्य नागरिकांना आवाहन आहे की, त्यांनी या स्वाक्षरी अभियानामध्ये सामील व्हावे आणि सरकार विरोधात आपला रोष प्रकट करावा. रागाला दाबून ठेवू नका, व्यक्त करा. दिल्लीतील जे मुजोर सरकार आहे त्यांच्यापर्यंत आपला आवाज जावा यासाठी आपण आपले हस्ताक्षर करावे, असे मुंबई काँग्रेसचे अध्यक्ष संजय निरुपम म्हणाले.
सदर प्रसंगी मुंबई काँग्रेसचे अध्यक्ष संजय निरुपम यांच्या सोबत माजी आमदार चरणसिंग सपरा, महाराष्ट्र काँग्रेसचे प्रवक्ते सचिन सावंत, जिल्हाध्यक्ष सुनील नरसाळे, मुंबई काँग्रेसचे सरचिटणीस विनोद शेखर, नगरसेविका सुषमा साळुंखे, पदाधिकारी पुरण दोशी उपस्थित होते.
