मुंबई - नाताळ व नववर्षानिमित्त दिनांक 24, 25 व 31 डिसेंबर रोजी राज्यातील विविध मद्य विक्री परवाना निर्धारित वेळेनंतर रात्री उशिरापर्यंत उघड्या ठेवण्यास शासनाने मंजुरी दिली आहे. विदेशी मद्य किरकोळ विक्रीचे दुकान (एफ एल -2 ) रात्री 10.30 ते दुसऱ्या दिवशी पहाटे 1 वाजेपर्यंत सुरु ठेवण्यास परवानगी देण्यात आली आहे.
एफएलडब्ल्यू -2 व एफएलबीआर-2 हा परवाना असलेली मद्याची दुकानं ही नमूद दिवसांत पहाटे 1 वाजेपर्यंत खुली ठेवता येतील. सीएल-3 मद्याची दुकान क वर्ग नगरपालिका व जिल्हापरिषद क्षेत्रात रात्री 10 ते दुसऱ्या दिवशी पहाटे 1.00 वाजेपर्यंत आणि त्या व्यतिरिक्त इतर क्षेत्रात रात्री 12 ते पहाटे 1.00 वजेपर्यंत उघडया ठेवता येतिल. तसेच नमूद दिवशी ई परवाना असलेले बीअर बार, एफएल -3, एफएल -4, ई-2, नमुना ई(बीअर बार ) पहाटे 5 वाजेपर्यंत खुले राहतील.
