या स्पर्धेत देशातील अंदाजे 30 राज्यांतून सुमारे 550 खेळाडू सहभागी होणार आहेत. राष्ट्रीय स्तरावरील क्रिकेट स्पर्धा येत्या 25 डिसेंबर ते 29 डिसेंबर या कालावधीत आझाद मैदान, क्रॉस मैदान, ओव्हल मैदान, मुंबई पोलीस जिमखाना, ईस्लाम जिमखाना, पी. जी. हिंदू जिमखाना,पारसी जिमखाना, सचिवालय जिमखाना येथे होणार आहेत. शालेय विद्यार्थ्यांमधून चांगले खेळाडू घडावेत हा राष्ट्रीय पातळीवरच्या स्पर्धा आयोजित करण्याचा हेतू आहे. या स्पर्धांना मुंबईतील क्रिकेट रसिकांनी उत्स्फूर्त प्रतिसाद द्यावा, असे आवाहन क्रीडा व युवक सेवा मुंबई विभागाचे उपसंचालक यांनी केले आहे.
