सनदी लेखापाल पदासाठी अर्ज करण्याचे आवाहन

मुंबई, दि. १२ : मुंबई उपनगर जिल्ह्यातील सेतू समितीत सनदी लेखापाल या पदासाठी कंत्राटी पद्धतीने नियुक्ती करण्यासाठी अर्ज करण्याचे आवाहन करण्यात आले आहे. या पदासाठी मान्यताप्राप्त विद्यापीठाचा पदवीधर व सनदी लेखापालाची सनद, सनदी लेखापालाचा सात वर्षांचा अनुभव, कमाल वयोमर्यादा ४५ वर्ष, मराठी,  हिंदी व इंग्रजी भाषेवर प्रभुत्व ही पात्रता आहे. या पदासाठी इच्छुक व्यक्तींनी अर्ज १५ दिवसात जिल्हाधिकारी, मुंबई उपनगर जिल्हा, प्रशासकीय इमारत, १० वा मजला, चेतना कॅालेज जवळ, वांद्रे पूर्व,मुंबई -४०००५१ या पत्त्यावर पाठवावेत. त्यानंतर पाठविलेले अर्ज विचारात घेतले जाणार नाहीत. ही माहिती प्रसिद्धीपत्रकाद्वारे दीपेन्द्र सिंह कुशवाह, जिल्हाधिकारी तथा अध्यक्ष सेतू समिती, मुंबई उपनगर यांनी दिली आहे.