42 वर्षांच्या दाना माझीचे हे वृत्त प्रसिद्ध झाले आणि सरकारी यंत्रणांच्या अनास्थेमुळे देशभर संताप व्यक्त झाला. दाना माझी यांची पत्नी अमंग ही क्षयरोगाने आजारी होती. भवानीनगरातील सरकारी रुग्णालयात तिच्यावर उपचार सुरू असताना बुधवारी मृत्यू झाला. भवानीनगरापासून माझीचे गाव ६० कि.मी.वर आहे. कालाहांडी जिल्ह्यातील मेलघर गावात त्यांचे घर आहे. मृत पत्नीचे शव घरी नेण्यासाठी अॅम्ब्युलन्स द्यावी अशी विनंती माझीने केली पण सरकारी रुग्णालयाच्या प्रशासनाने यावर त्यांना नकार दिला. माझी विनवण्या करीत हातापाया पडला पण प्रशासनाला पाझर फुटला नाही. अखेर माझीने पत्नीचा मृतदेह चादरीत गुंडाळला आणि खांद्यावर टाकून निघाला. त्याच्याबरोबर चालत होती 12 वर्षांची मुलगी. रडून रडून दोघांच्या डोळ्यांतील अश्रू आटले होते. 10 ते 12 कि.मी. गेल्यानंतर रस्त्यावरील तरुणांना हे दृश्य दिसले. तरुणांच्या मनाला पाझर फुटला. तरुणांनी तातडीने जिल्हा प्रशासनाला जागे केले आणि माझीच्या गावापर्यंत अॅम्ब्युलन्सची व्यवस्था केली.
दरम्यान हि मन सुन्न करणारी ही घटना मीडियामध्ये आल्यानंतर कालाहांडीचे जिल्हाधिकारी ब्रुंद्धा डी यांनी तातडीने अजब खुलासा केला. माझीनेच अॅम्ब्युलन्सची वाट पाहिली नाही असा दावा केला आहे.
No comments:
Post a Comment