मागील वर्षाच्या तुलनेत अद्याप 50 टक्क्याहुन कमी पाउस

मुंबईत पाणी कपात जैसे थे

मुंबई / प्रतिनिधी 1 जुलै 2016

मुंबईमधे पावसाची जोरदार सुरुवात झाली असली तरी मुंबईला पाणीपूरवठा करणार्या तलावामधे मात्र पाउस पडत नसल्याने पावसाची स्थिती चिंताजनक आहे. मागील वर्षाच्या तुलनेत 50 टक्के कमी पाउस पडला असून यावर्षी फ़क्त 10 टक्केच पाउस पडल्याची माहिती पालिकेचे उपायुक्त सुधीर नाईक यांनी दिली.

मुंबई मधे गेले 10 दिवस सतत पाउस पडत आहे. मुंबईमधे सतत पाउस पडत असला तरी तलावामधे पाउस पडत नसल्याने 1 जुलै रोजी तलावामधे 1 लाख 10 हजार 619 मिलीलिटर पाण्याचा साठा जमा आहे. मागील वर्षी याच दिवशी 3 लाख 38 हजार 217 मिलीलिटर पाण्याची नोंद झाली होती. मागील वर्षाच्या तुलनेत 2 लाख 28 हजार मिलीलिटर कमी पाण्याची नोंद झाली आहे. दरवर्षी जितका पाउस पडतो त्या तुलनेत यावर्षी अद्याप फ़क्त 10 टक्के पावसाची नोंद झाली असल्याने 20 टक्के पाणी कपात यापुढेही चालू राहणार असल्याची माहिती नाईक यांनी दिली.

धरणातील पाणी साठा                          2016              2015
मोडक सागर    12826             66869
तानसा             22225            29608
विहार                7702               8127
तुलसी               4320               4889
अप्पर वैतरणा           0                      0
भातसा            35422           106125
मध्य वैतरणा    28124            122600

एकूण            110619          338217