डॉ. सुधा कोठारी, मिलिंद कांबळे यांची उर्वरित महाराष्ट्र विकास मंडळावर नियुक्ती

मुंबई / प्रतिनिधी - राज्यपाल चे विद्यासागर राव यांनी एका अधिसूचनेद्वारे राजगुरूनगर येथील समाज संशोधक व चैतन्य संस्थेच्या प्रमुख डॉ सुधा कोठारी यांची तसेच दलित चेंबर ऑफ कॉमर्स अँड इंडस्ट्रीचे संस्थापक मिलिंद कांबळे यांची उर्वरित महाराष्ट्र विकास मंडळावर तज्ञ सदस्य म्हणून नियुक्ती केली आहे. या संदर्भात दिनांक 6 जून रोजी अधिसूचना प्रसिद्ध करण्यात आली आहे. डॉ सुधा कोठारी ग्रामीण महिलांना बचत गटांच्या माध्यमातून एकत्र करून त्यांच्या सक्षमीकरणासाठी कार्य करीत आहेत, तर मिलिंद कांबळे उद्योजक असून 2013 साली त्यांना पद्मश्री पुरस्काराने सन्मानित करण्यात आले आहे.