महाराष्ट्रात येणाऱ्या गुंतवणूकदारांचे निश्चितच समाधान होणार- मुख्यमंत्री

मुंबई, दि.2: महाराष्ट्रात विविध क्षेत्रात गुंतवणुकीच्या अमर्याद संधी असून राज्यसरकारने केलेल्या विविध उपाययोजनांमुळे येथे येणाऱ्या विदेशी गुंतवणूकदारांचे निश्चित समाधान होईल, अशी ग्वाही मुख्यमंत्री देवेंद्र फडणवीस यांनी दहा देशांतील भारतीयराजदूतांना दिली. विविध देशांतील भारतीय राजदूत महाराष्ट्राच्या अभ्यास दौऱ्यावर आले असून त्यांनीसह्याद्री अतिथीगृह येथे मुख्यमंत्र्यांची आज भेट घेतली. यावेळी मुख्य सचिव स्वाधीन क्षत्रिय उपस्थित होते. 

मुख्यमंत्री म्हणाले, उद्योग, पर्यटन, स्मार्ट सिटी, पायाभूत सुविधा अशा विविधक्षेत्रात गुंतवणुकीची महाराष्ट्रात मोठी संधी आहे. भारतीय राजदुतांनी महाराष्ट्रातीलगुंतवणुकीच्या बलस्थानांची ओळख तेथील गुंतवणूकदारांना करून द्यावी. भारतातगुंतवणूक करू इच्छिणाऱ्यांचे नेहमीच महाराष्ट्राला प्राधान्य असते. पंतप्रधान नरेंद्र मोदीयांनी जागतिक  गुंतवणूक भारतात यावी यासाठी मेक इन इंडिया सप्ताह मुंबईत आयोजितकरण्याची संधी महाराष्ट्राला दिली. या जागतिक परिषदेच्या माध्यमातून जगातील विविधकंपन्यांनी देशातील एकूण गुंतवणुकीच्या 50 टक्क्यांपेक्षा जास्त गुंतवणूक महाराष्ट्रात केलीआहे.

            

राज्यात उद्योगांच्या सुलभ उभारणीसाठी ‘इज ऑफ डुइंग बिझिनेस’च्यामाध्यमातून ‘परवाना राज’ संपुष्टात आणण्याचा प्रयत्न करण्यात आला. पारदर्शक आणिगतिमान यंत्रणेमुळे जागतिक उद्योग समुहांना अविश्वसनीय वाटावी अशी कामगिरीमहाराष्ट्राने गेल्या काही महिन्यात केली आहे, असे गौरवोद्गारही मुख्यमंत्र्यांनी यावेळीकाढले. जागतिक औद्योगिक गुंतवणुकदारांना गुंतवणुकीसाठी महाराष्ट्र आश्वासक वाटतआहे, अशी परिस्थिती आणि साधनसामग्री आम्ही उपलब्ध करून दिली आहे. महाराष्ट्र हेविदेशी पर्यटकांसाठी नेहमीच आकर्षणाचे केंद्रबिंदू राहिले असून राज्यातील पर्यटनवाढीसाठी2017 हे वर्ष ‘महाराष्ट्र भेटी’चे वर्ष म्हणून साजरे करण्यात येणार आहे. भारतीय राजदुतांनीमहाराष्ट्राच्या पर्यटन क्षेत्रांची माहिती आपआपल्या देशांमध्ये पोहोचवावी, असे आवाहनहीमुख्यमंत्र्यांनी यावेळी केले.  

महाराष्ट्रातील गुंतवणूक बलस्थानांची माहिती भारतीय राजदुतांनी समर्थपणेजागतिक उद्योजकांसमोर मांडावी. महाराष्ट्रात गुंतवणूक करणाऱ्यांना आम्ही निराशकरणार नाही, अशी खात्रीही मुख्यमंत्र्यांनी यावेळी दिली. मुख्यमंत्र्यांनी भारतीयराजदुतांसमवेत उद्योग, पर्यटन, नगरविकास, पायाभूत सुविधा, आरोग्य आदी क्षेत्रांमध्येपरकीय गुंतवणूक व तंत्रज्ञानाचे सहकार्य याविषयांवर चर्चा केली. मुख्य सचिव श्री. क्षत्रिययांनी प्रास्ताविक केले. यावेळी रशियामधील भारतीय राजदूत पंकज सरन,फ्रान्समधीलराजदूत रुचिरा कंभोज, किरगिझस्तानमधील राजदूत जयंत खोब्रागडे यांनी यावेळी मनोगतव्यक्त केले. 

बैठकीस चिलीमधील भारतीय राजदूत देबराज प्रधान, रवी बांगर (सायप्रस), राजीवशहारे (डेन्मार्क), विश्वास सपकाळ (फिजी), व्ही महालिंगम् (गयाना), नरेंद्रकुमार सक्सेना (पापूआ न्यू गिनी), अहमद जावेद (सौदी अरेबिया) या भारतीय राजदूतांसह राज्याचेराजशिष्टाचार विभागाचे अपर मुख्य सचिव सुमित मलिक उपस्थित होते.