मुंबई / जेपीएन न्यूज ( वेब न्यूज ) - 28 Dec 2015 चेंबूर येथील भारत पेट्रोलियम कॉर्पोरेशन लिमिटेडच्या 6.0 मिलियन मेट्रीक टन प्रती वर्ष क्षमता असलेल्या 1419 करोडच्या मुंबई रिफायनरी क्रुड डिस्टीलेशन युनिटचा लोकार्पण सोहळा आज पार पडला. यावेळी मुख्यमंत्री उपस्थितांना संबोधित करताना बोलत होते. या सोहळ्यास पेट्रोलियम तथा प्राकृतिक गॅस राज्यमंत्री धर्मेंद्र प्रधान (स्वतंत्र प्रभार), दक्षिण मुंबईचे खासदार अरविंद सावंत, मध्य मुंबईचे खासदार राहुल शेवाळे, उत्तर मुंबईचे खासदार गोपाळ शेट्टी, आमदार प्रकाश फातर्पेकर, पेट्रोलियम प्राकृतिक गॅसचे सचिव के.डी.त्रिपाठी, कार्यक्रमाचे अध्यक्ष प्रबंधक व निदेशक एस. वरदराजन तसेच भारत पेट्रोलियमचे अधिकारी व कर्मचारी उपस्थित होते. मुख्यमंत्री म्हणाले की, या नव्या सयंत्रामुळे पर्यावरण संतुलीत राहिलच त्याचबरोबर ऊर्जेचा उपयोग योग्य पद्धतीने होण्यास मदत होणार आहे. ऊर्जेची 30 टक्के बचत होऊन वर्षाला 128 करोड रुपयांची बचत होणार आहे. यामुळे सरकारी कंपन्यांच्या कार्यक्षमतेवर आणि पारदर्शकतेवर लोकांचा अधिक विश्वास वाढणार आहे. यावेळी केंद्रीय पेट्रोलियम राज्यमंत्री धर्मेंद्र प्रधान यांनीही संबोधित केले. तसेच 2017 पर्यंत पश्चिम महाराष्ट्रात नविन युनिट सुरू करण्याचा मानस केंद्र सरकारचा असल्याचे त्यांनी सांगितले. या नव्या सयंत्र युनिटमुळे राज्याला रोजगार आणि अर्थव्यवस्थेला नवी गती प्राप्त होणार असून विकासाची नवी शृंखलाच तयार होणार असल्याचे सांगून भारत पेट्रोलियमच्या अधिकारी कर्मचारी यांचे अभिनंदन त्यांनी केले. असे नव नवीन प्रकल्प देशातच राहिले तरच रोजगार निर्मिती होऊ शकेल आणि भविष्यात जर असे प्रकल्प राज्यात सुरू झाले तर राज्याला यशाच्या शिखरावर नेण्यास सहकार्य मिळणार आहे. तसेच, यावेळी त्यांनी बाळासाहेब ठाकरे यांची दादर येथील ज्योत अखंड सुरू ठेवण्याचे कार्य भारत पेट्रोलियम करेल, असे आश्वासित केले. के.डी.त्रिपाठी यांनी यावेळी सयंत्राची माहिती दिली. |
Post Top Ad
29 December 2015
![](https://1.bp.blogspot.com/-7Kd9qaiRHuA/WaEtZyc70TI/AAAAAAAADsA/7WUYBVoY-UwwjdEP3kDFPvH9htN0dDKgQCLcBGAs/s1600/demo-image.jpg)
Home
Unlabelled
भारत पेट्रोलियम तेल शुध्दीकरण सयंत्राचे मुख्यमंत्र्यांच्या हस्ते लोकार्पण
भारत पेट्रोलियम तेल शुध्दीकरण सयंत्राचे मुख्यमंत्र्यांच्या हस्ते लोकार्पण
Subscribe to:
Post Comments (Atom)
Post Bottom Ad
Author Details
जेपीएन न्यूज' हे २०१२ पासून मराठी भाषेत प्रसिद्ध होणारे न्यूज पोर्टल आहे. या न्यूज पोर्टलवर मुंबईसह महाराष्ट्रातील नागरिकांच्या समस्या, ताज्या घडामोडी, राजकारण, मंत्रालय, सरकारी कार्यालये, स्थानिक स्वराज्य संस्थांच्या बातम्यांना प्रसिद्धी दिली जाते.
'JPN News' is a news portal published in Marathi language since 2012. On this news portal, the problems of the citizens of Maharashtra including Mumbai, Latest affairs, Politics, Mantralaya, Government Offices, Local bodies news are publicized.
No comments:
Post a Comment