अस्थायी बीएएमएस वैद्यकीय अधिकाऱ्यांना शासन सेवेत सामावून घेण्याचा निर्णय

मुंबई / प्रतिनिधी - महाराष्ट्र आरोग्य सेवेतील गट-ब संवर्गातील 15 अस्थायी बीएएमएस वैद्यकीय अधिकाऱ्यांचे गट-अ संवर्गात समावेशन करुन त्यांना कायमस्वरुपी शासन सेवेत सामावून घेण्याचा निर्णय मंत्रिमंडळ बैठकीत घेण्यात आला. या निर्णयानुसार 2 फेब्रुवारी 2009 मधील अटी व शर्ती पूर्ण करणाऱ्या 15 वैद्यकीय अधिकाऱ्यांना याचा फायदा होणार आहे. याअगोदर महाराष्ट्र वैद्यकीय व आरोग्य सेवेतील गट-अ संवर्गातील अस्थायी स्वरुपात कार्यरत असलेल्या वैद्यकीय अधिकाऱ्यांचे समावेशन करण्यात आले होते. याच धर्तीवर गट-ब मधील वैद्यकीय अधिकाऱ्यांच्या बाबत निर्णय घेण्यात आला आहे.