मुंबईतील डायल‌सिस सेंटर्सची वाढती गरज लक्षात घेऊन मुंबई महापालिकेच्या हॉस्पिटलमध्ये २५० डायल‌सिस सेंटर्स (बेड) सुरू करण्याची घोषणा मुंबई महापालिकेने दोन वर्षांपूर्वी केली होती. मात्र जागेची कमतरता व खासगी भागीदाराचा अभाव यामुळे पालिकेचा हा महत्त्वाकांक्षी प्रकल्प लांबणीवर पडला आहे. परिणामी, डायल‌सिसची आवश्यकता असलेल्या पेशंटना महागड्या खासगी डायल‌सिस सेंटरचाच आधार घ्यावा लागत आहे. ही सेंटर्स टप्प्याटप्प्याने उभारली जातील. ही सेंटर्स सुरू करण्यासाठी प्रशासनाचे प्रयत्न सुरू असून त्यासाठी किमान एक वर्षाचा अवधी लागेल, असे पालिका प्रशासनाच्या वतीने सांगण्यात आले.
पालिकेच्या केईएम, नायर, लोकमान्य टिळक व इतर हॉस्पिटलमध्ये सुमारे ६५ डायल‌सिस सेंटर्स आहेत. मात्र पेशंटची वाढती संख्या लक्षात घेता ही सेंटर्सही अपुरी पडत आहेत. खासगी डायल‌सिस सेंटरचे दर सर्वसामान्य पेशंटच्या आवाक्याबाहेरचे असल्याने डायल‌सिस सेंटर सुरू करण्यासाठी पालिकेने पुढाकार घेतला. केईएम, नायर व लोकमान्य टिळक हॉस्पिटलसह उपनगरातील अठरा हॉस्पिटलमध्ये आखणी २५० डायल‌सिस सेंटर (बेड) सुरू करण्याचा प्रस्ताव दोन वर्षांपूर्वी पालिकेत मंजूर करण्यात आला. उपनगरातील चार हॉस्पिटलमध्ये पब्लिक प्रायव्हेट पार्टनरशीप (पीपीपी) तत्त्वावर डायल‌सिस सेंटर सुरू केली आहेत. त्याच धर्तीवर नवीन सेंटरसाठीही पीपीपीचा पर्याय शोधण्यात आला. मात्र पीपीपी तत्त्वावर नवीन डायल‌सिस सेंटर सुरू करण्यासाठी कोणीही खासगी भागीदार पुढे आलेला नाही. त्याशिवाय, काही हॉस्पिटलमध्ये पुरेशी जागाही उपलब्ध झाली नाही. त्यामुळे या प्रकल्पाला विलंब झाला आहे.
केईएममध्ये १२, लोकमान्य टिळक हॉस्पिटलमध्ये १२, सिध्दार्थ, गोरेगावमध्ये ११, व्ही.एन. देसाई, अंधेरीमध्ये १०, राजावाडी, घाटकोपरमध्ये ७, शताब्दी हॉ‌स्पिटल, गोवंडीमध्ये ७, नायरमध्ये ६ डायलेसिस सेंटर आहे.
पालिकेच्या केईएम, नायर, लोकमान्य टिळक व इतर हॉस्पिटलमध्ये सुमारे ६५ डायल‌सिस सेंटर्स आहेत. मात्र पेशंटची वाढती संख्या लक्षात घेता ही सेंटर्सही अपुरी पडत आहेत. खासगी डायल‌सिस सेंटरचे दर सर्वसामान्य पेशंटच्या आवाक्याबाहेरचे असल्याने डायल‌सिस सेंटर सुरू करण्यासाठी पालिकेने पुढाकार घेतला. केईएम, नायर व लोकमान्य टिळक हॉस्पिटलसह उपनगरातील अठरा हॉस्पिटलमध्ये आखणी २५० डायल‌सिस सेंटर (बेड) सुरू करण्याचा प्रस्ताव दोन वर्षांपूर्वी पालिकेत मंजूर करण्यात आला. उपनगरातील चार हॉस्पिटलमध्ये पब्लिक प्रायव्हेट पार्टनरशीप (पीपीपी) तत्त्वावर डायल‌सिस सेंटर सुरू केली आहेत. त्याच धर्तीवर नवीन सेंटरसाठीही पीपीपीचा पर्याय शोधण्यात आला. मात्र पीपीपी तत्त्वावर नवीन डायल‌सिस सेंटर सुरू करण्यासाठी कोणीही खासगी भागीदार पुढे आलेला नाही. त्याशिवाय, काही हॉस्पिटलमध्ये पुरेशी जागाही उपलब्ध झाली नाही. त्यामुळे या प्रकल्पाला विलंब झाला आहे.
केईएममध्ये १२, लोकमान्य टिळक हॉस्पिटलमध्ये १२, सिध्दार्थ, गोरेगावमध्ये ११, व्ही.एन. देसाई, अंधेरीमध्ये १०, राजावाडी, घाटकोपरमध्ये ७, शताब्दी हॉ‌स्पिटल, गोवंडीमध्ये ७, नायरमध्ये ६ डायलेसिस सेंटर आहे.
