माझगाव बीआयटी येथील आगीत सहाजण जखमी

मुंबई : माझगाव ताडवाडी येथील बीआयटी चाळ क्र. ०४ मध्ये आज सायंकाळी आग लागून त्यात ४ महिलांसह ६ जण जखमी झाले. जखमींना उपचारासाठी जे जे रुग्णालयात दाखल करण्यात आले आहे. माझगाव ताडवाडी येथील बीआयटी चाळ क्र. ०४ च्या दुसर्या मजल्यावर एका खोलीत सायंकाळी साडेपाच च्या सुमारास अचनक आग लागली. हि आग तत्काळ भडकल्याने बाजूच्या ३ घरांनाही आग लागली. त्यामुळे तेथील रहिवाश्यांमध्ये एकाच खळबळ उडाली. यावेळी भयभीत झालेल्या रहिवाश्यांनी इमारती बाहेर धाव घेतली. तर काहींनी वरच्या मजल्यावरून उड्या मारल्या. या घटनेची माहिती मिळताच ४ फायर इंजिन ४ वाटर टंकर व अम्बुलन्स सह अग्निशामक दलाच्या जवानांनी घटना स्थळी धाव घेऊन ६ वाजून ४० मिनिटांनी हि आग आटोक्यात आणली.