महायुतीतील मित्रपक्षांनी भाजपची साथ देण्याचा निर्णय घेतल्यामुळे संतापलेल्या शिवसेनेने रामदास आठवले यांच्यानंतर आता अन्य घटक पक्षांवर तोफ डागली आहे. 'स्वत:ला आपापल्या समाजाचे नेते म्हणवून घेणारे प्रत्यक्षात 'चवन्नी छाप' पुढारी असून त्यांना हात चोळत व कपाळ बडवत बसावे लागले आहे,' अशा शेलक्या शब्दांत शिवसेनेचे पक्षप्रमुख उद्धव ठाकरे यांनी राष्ट्रीय समाज पक्षाचे नेते महादेव जानकर यांना फटकारले आहे.
रिपाइंबरोबरच महादेव जानकर व विनायक मेटे यांचे पक्ष हे महायुतीतील घटक होते. महायुतीत जानकर यांना धनगर तर मेटे यांना मराठा समाजाचे प्रतिनिधी म्हणून स्थान होते. महायुती तुटल्यानंतर आठवलेंप्रमाणेच त्यांनीही आपापले राजकीय हिशेब मांडून भाजपच्या पारड्यात दान टाकले. त्यामुळे शिवसेना राजकीयदृष्ट्या एकाकी पडल्याचे चित्र होते. तसा प्रचारही सुरू होता. मात्र, उद्धव ठाकरे यांनी घटकपक्षांना चवन्नीचा दर्जा देत हा प्रचार खोटा ठरवला आहे. दैनिक 'सामना'तून त्यांनी महादेव जानकर व अन्य मित्र पक्षांवर सडकून टीका केली आहे.
रिपाइंबरोबरच महादेव जानकर व विनायक मेटे यांचे पक्ष हे महायुतीतील घटक होते. महायुतीत जानकर यांना धनगर तर मेटे यांना मराठा समाजाचे प्रतिनिधी म्हणून स्थान होते. महायुती तुटल्यानंतर आठवलेंप्रमाणेच त्यांनीही आपापले राजकीय हिशेब मांडून भाजपच्या पारड्यात दान टाकले. त्यामुळे शिवसेना राजकीयदृष्ट्या एकाकी पडल्याचे चित्र होते. तसा प्रचारही सुरू होता. मात्र, उद्धव ठाकरे यांनी घटकपक्षांना चवन्नीचा दर्जा देत हा प्रचार खोटा ठरवला आहे. दैनिक 'सामना'तून त्यांनी महादेव जानकर व अन्य मित्र पक्षांवर सडकून टीका केली आहे.
उद्धव ठाकरे म्हणतात...
> महायुतीतील सर्व घटक पक्ष भाजपबरोबर गेल्याने शिवसेना एकाकी पडली असे बोलले जात आहे. त्यात अजिबात तथ्य नाही. घटक पक्षाचे नेते गेले तरी सारा बहुजन समाज हा परंपरेने शिवसेनेबरोबरच आहे हे निवडणूक निकालांतून स्पष्ट होईल.
> स्वत:ला आपापल्या समाजाचे नेते म्हणवून घेणार्‍या 'चव्वनी' छाप पुढार्‍यांच्या हाती नक्की काय लागले? घटक पक्षाचे नेते आज तसे हात चोळत व कपाळ बडवीत बसले आहेत. जे रामदास आठवले यांचे झाले तेच महादेव जानकर यांच्या बाबतीत घडले आहे.
> जानकर हे रासपचे महापुरुष आहेत व त्यांच्या हातावरही भाजपने पाचेक पडीक जागा ठेवल्या आहेत. पण तरीही आपण कसे समाधानी आहोत हे महादेवराव पडीक चेहर्‍याने सांगत आहेत. मात्र सत्य असे आहे की, श्रीगोंदा, माढा या जागांवर त्यांचा डोळा होता व त्या त्यांना मिळाल्या नसल्याने जानकर म्हणे संतापले आहेत आणि संपूर्ण देशात नव्हे तर जगात भाजपास धडा शिकवतो असे क्रांतिकारक विचार त्यांच्या डोक्यात घोळू लागले असावेत. बहुधा जानकरांना अमेरिका, रशिया, जपानसारख्या देशांत 'हायकमिशनर' म्हणून पाठविण्याचे आश्‍वासन दिले असावे. म्हणूनच स्वाभिमानाची व धनगर समाजाच्या अस्मितेची लढाई लढण्याची भाषा करणारे महादेवराव इतक्या अपमानानंतरही गप्प बसले आहेत.
> महाराष्ट्रातील धनगर समाजात बरेच नेते आहेत, पण सारा समाज कुण्या एका नेत्याच्या पाठीशी नाही. जानकरांना अलीकडच्या काळात बर्‍यापैकी प्रसिद्धी मिळाली; पण अण्णा डांगे, शेंडगेबापू, शिवसेनेचे राम गावडे, वाघमोडे असे बरेच लोक गेल्या बर्‍याच काळापासून धनगर समाजाच्या कल्याणाचा विचार करीत आहेत.
> कोणताही समाज केवळ एका नेत्याच्या पाठीमागे गेला असे कधीही होत नाही. समाजमन विखुरलेले असते. शरद पवार यांना त्यांचे समर्थक जरी 'मराठा स्ट्रॉंग मॅन' म्हणत असले तरी महाराष्ट्रातील मराठा समाज एकगठ्ठा पवारांच्या मागे कधीच गेलेला नाही.
> बाळासाहेब ठाकरे यांनी शिवसेनेत आणि राजकारणात कधीही जातपात पाळली नाही. ते स्वत: मराठा किंवा बहुजन समाजाचे नव्हते. तरीही मराठा आणि बहुजन समाज नेहमीच मोठ्या प्रमाणावर शिवसेनाप्रमुखांच्या मागे ठामपणे उभा राहिला. त्यांना शिवसेनाप्रमुखांविषयी ठाम विश्‍वास होता म्हणूनच हे घडू शकले.
> तुम्ही फक्त त्या समाजाचे पुढारी असून चालत नाही. समाजाचा एखाद्दुसरा घटक तुमच्यामागे आला म्हणजे तुम्ही त्या संपूर्ण समाजाचे एकमेव नेते बनले असे होत नाही. आठवलेंनी पत्करलेला मार्ग त्यांच्या सर्वच सहकार्‍यांना रुचलेला नाही. अर्जुन डांगळे यांनी तो मार्ग सोडून शिवसेनेचा भगवा खांद्यावर घेतला तर इतर काहींनी वेगळी वाट पत्करली.
> महादेव जानकरांसारखे लंबक जातीय लोकसंख्येच्या गणितावर कधी इकडे तर कधी तिकडे लटकत असतात. पण समाज काही मुक्या मेंढराप्रमाणे जानकरांच्या मागे जात नाही.
> आठवल्यांना दिलेल्या जागांवरही भाजपने स्वत:चे उमेदवार घुसवले. जानकरांचेही तेच झाले. पक्ष तिरडीवर गेला तरी चालेल, पण आम्हाला पदांचे गूळ-खोबरे मिळाले तरच समाजाचे कल्याण होईल असे घटक पक्षाच्या नेतेमंडळींना वाटत आहे. नेत्यांची ही मिरासदारी या निवडणुकीत मोडल्याशिवाय राहणार नाही.
> महायुतीतील सर्व घटक पक्ष भाजपबरोबर गेल्याने शिवसेना एकाकी पडली असे बोलले जात आहे. त्यात अजिबात तथ्य नाही. घटक पक्षाचे नेते गेले तरी सारा बहुजन समाज हा परंपरेने शिवसेनेबरोबरच आहे हे निवडणूक निकालांतून स्पष्ट होईल.
> स्वत:ला आपापल्या समाजाचे नेते म्हणवून घेणार्‍या 'चव्वनी' छाप पुढार्‍यांच्या हाती नक्की काय लागले? घटक पक्षाचे नेते आज तसे हात चोळत व कपाळ बडवीत बसले आहेत. जे रामदास आठवले यांचे झाले तेच महादेव जानकर यांच्या बाबतीत घडले आहे.
> जानकर हे रासपचे महापुरुष आहेत व त्यांच्या हातावरही भाजपने पाचेक पडीक जागा ठेवल्या आहेत. पण तरीही आपण कसे समाधानी आहोत हे महादेवराव पडीक चेहर्‍याने सांगत आहेत. मात्र सत्य असे आहे की, श्रीगोंदा, माढा या जागांवर त्यांचा डोळा होता व त्या त्यांना मिळाल्या नसल्याने जानकर म्हणे संतापले आहेत आणि संपूर्ण देशात नव्हे तर जगात भाजपास धडा शिकवतो असे क्रांतिकारक विचार त्यांच्या डोक्यात घोळू लागले असावेत. बहुधा जानकरांना अमेरिका, रशिया, जपानसारख्या देशांत 'हायकमिशनर' म्हणून पाठविण्याचे आश्‍वासन दिले असावे. म्हणूनच स्वाभिमानाची व धनगर समाजाच्या अस्मितेची लढाई लढण्याची भाषा करणारे महादेवराव इतक्या अपमानानंतरही गप्प बसले आहेत.
> महाराष्ट्रातील धनगर समाजात बरेच नेते आहेत, पण सारा समाज कुण्या एका नेत्याच्या पाठीशी नाही. जानकरांना अलीकडच्या काळात बर्‍यापैकी प्रसिद्धी मिळाली; पण अण्णा डांगे, शेंडगेबापू, शिवसेनेचे राम गावडे, वाघमोडे असे बरेच लोक गेल्या बर्‍याच काळापासून धनगर समाजाच्या कल्याणाचा विचार करीत आहेत.
> कोणताही समाज केवळ एका नेत्याच्या पाठीमागे गेला असे कधीही होत नाही. समाजमन विखुरलेले असते. शरद पवार यांना त्यांचे समर्थक जरी 'मराठा स्ट्रॉंग मॅन' म्हणत असले तरी महाराष्ट्रातील मराठा समाज एकगठ्ठा पवारांच्या मागे कधीच गेलेला नाही.
> बाळासाहेब ठाकरे यांनी शिवसेनेत आणि राजकारणात कधीही जातपात पाळली नाही. ते स्वत: मराठा किंवा बहुजन समाजाचे नव्हते. तरीही मराठा आणि बहुजन समाज नेहमीच मोठ्या प्रमाणावर शिवसेनाप्रमुखांच्या मागे ठामपणे उभा राहिला. त्यांना शिवसेनाप्रमुखांविषयी ठाम विश्‍वास होता म्हणूनच हे घडू शकले.
> तुम्ही फक्त त्या समाजाचे पुढारी असून चालत नाही. समाजाचा एखाद्दुसरा घटक तुमच्यामागे आला म्हणजे तुम्ही त्या संपूर्ण समाजाचे एकमेव नेते बनले असे होत नाही. आठवलेंनी पत्करलेला मार्ग त्यांच्या सर्वच सहकार्‍यांना रुचलेला नाही. अर्जुन डांगळे यांनी तो मार्ग सोडून शिवसेनेचा भगवा खांद्यावर घेतला तर इतर काहींनी वेगळी वाट पत्करली.
> महादेव जानकरांसारखे लंबक जातीय लोकसंख्येच्या गणितावर कधी इकडे तर कधी तिकडे लटकत असतात. पण समाज काही मुक्या मेंढराप्रमाणे जानकरांच्या मागे जात नाही.
> आठवल्यांना दिलेल्या जागांवरही भाजपने स्वत:चे उमेदवार घुसवले. जानकरांचेही तेच झाले. पक्ष तिरडीवर गेला तरी चालेल, पण आम्हाला पदांचे गूळ-खोबरे मिळाले तरच समाजाचे कल्याण होईल असे घटक पक्षाच्या नेतेमंडळींना वाटत आहे. नेत्यांची ही मिरासदारी या निवडणुकीत मोडल्याशिवाय राहणार नाही.
महराष्ट्र टाइम्स ऑनलाईन मधून साभार
