सीमाभाग केंद्रशासित करण्यासाठी मुख्यमंत्री पंतप्रधानांना भेटणार

नागपूर : कर्नाटकातील सीमाभाग केंद्रशासित करण्यात यावा अशी मागणी करणारा प्रस्ताव घेऊन आपण पंतप्रधान नरेंद्र मोदी यांच्याकडे जाऊ, असे मुख्यमंत्री पृथ्वीराज चव्हाण यांनी पत्रकारांशी बोलताना सांगितले. येळ्ळूर येथे मराठी बांधवांवर झालेला अत्याचार निंदनीयच आहे, त्या प्रकारानंतर आपण कर्नाटकच्या मुख्यमंत्र्यांशी चर्चा केली. पुन्हा तसा अतिरेक घडणार नाही, असे आश्‍वासन त्यांनी आपणास दिल्याची माहिती मुख्यमंत्र्यांनी पत्रकारांना दिली.