अग्निशमन दलाकडून बुडत्यालाही आधार नाही!

दहिसर पश्चिम येथील जुन्या विहिरीत रवींद्र पितळे (२६) हा तरुण बुडाल्याची दुर्घटना रविवारी दुपारी घडली. मात्र बुडत्याला वाचवण्यासाठी अग्निशमन दलाकडे कोणतीच यंत्रणा नसल्याचे समोर आले. या बेपर्वाईमुळे रात्री उशिरापर्यंत रवींद्रचा शोध लागला नव्हता. अग्निशमन दलाकडून काही प्रयत्न होतील, अशी अपेक्षा असताना आलेल्या ते लोखंडी हँगरने फक्त पाणी हलविण्याचे काम करत होते. पाणी हलविल्याने विहिरीच्या तळातले मासे, साप, कासवे मात्र वर आली होती. पण रवींद्रचा रात्री उशिरापर्यंत शोध लागला नव्हता.